फुङलिङमा यसबर्षको उपमेयर कप फागुन २५ गतेबाट हुने
उज्यालो पोष्ट
ताप्लेजुङ,फागुन ११ । ताप्लेजुङको फुङलिङ नगरपालिकाले आयोजना गर्ने अन्तरपालिका स्तरीय उपमेयर रनिङ कप महिला फुटबल प्रतियोगिता फागुन २५ गतेबाट हुने भएको छ ।
नगर खेलकुद विकास समितिका अध्यक्ष एवम् फुङलिङ नगरपालिकाको सामाजिक विकास समितिका संयोजक क्षितिज सुनुवारले प्रतियोगिता फागुन २५ गतेबाट २७ गते सम्म सञ्चालन गर्ने निर्णय भएको जानकारी दिनुभयो ।
फुङलिङ नगर उपप्रमुख भीमादेवी ओझाका अनुसार अन्तराष्ट्रिय नारी दिवसको अवसर पारेर फागुन २५ गते प्रतियागिता सुभारम्भ हुने छ । उहाँका अनुसार नगर खेलकुद विकास समितिले खेलकुद मार्गदर्शन तयार गरी नगर कार्यपालिकाको बैठकमा पेश गर्ने निर्णय समेत गरेको छ ।
