रिटर्नी सेन्टर नेपालको ताप्लेजुङ अध्यक्षमा शिव तोलाङ चयन

-उज्यालो पोष्ट
ताप्लेजुङ, असोज २० । ताप्लेजुङमा बैदशिक रोगजारीबाट फर्किएका युवाहरु संगठित भएका छन् । बैदशिक रोगजारीबाट फर्किएका युवाहरुले सदरमुकाम फुङ्लिङमा शनिबार जिल्ला भेला सम्पन्न गर्दै संगठित भएका हुन् ।
बैदेशिक रोजगारीबाट फर्किएका युवाहरुको प्रथम भेलाले शिव तोलाङको अध्यक्षतामा रिटर्नी सेन्टर नेपालको जिल्ला समिति चयन गरेको हो । समितिको उपाध्यक्षद्वयमा विशाल शेर्पा र भीमबहादुर भट्टराई, सचिव पदमबहादुर बुडाथोकी, सहसचिव द्वयमा चन्द्रहाङ लिम्बू र बलबहादुर मादेन, कोषाध्यक्षमा चन्द्र थापा चयन हुनुभएको छ ।
समिति सदस्यहरुमा बिर्ख राई, कुसल तामाङ, खगेन्द्र चौहान, गंगाराम रसाइली, लीला तोलाङ, रुकमान लिम्बू, विनोद तामाङ, गंगाबहादुर गुरुङ, डम्बरबहादुर साँवा, राजेन्द्र बुडाथोकी, कविराज लिम्बू, पेमानुर्देन शेर्पा र तेजकुमार वनेम रहनुभएको छ । भेलाको उद्घाटनमा नेकपा (माओवादी केन्द्र) केन्द्रीय सदस्य तथा पूर्व प्रदेश सांसद सीता थेबे र केन्द्रीय लेखा समिति सदस्य नरबहादुर दुलालले प्रशिक्षणात्मक मन्तव्यसहित शुभकामना दिनुभएको थियो ।
यस्तै जिल्ला संयोजक विष्णुकुमार हाङ्बाङ लिम्बू, सचिव सागरमणि गौतम, प्रदेश कमिटी सदस्यहरु तारा भट्टराई, सुरज ओझा, फङ्लिङ नगर कमिटी अध्यक्ष गंगाराम शङ्खर, मिक्वाखोला गाउँपालिका उपाध्यक्ष तथा पार्टी अध्यक्ष डण्डु शेर्पा, वाइसीएलका जिल्ला अध्यक्ष कैलास माबो, प्रेस सेन्टर नेपालका केन्द्रीय सचिव प्रयास लिम्बू, रिटर्नी सेन्टर नेपालका केन्द्रीय सदस्य हिमालसागर पौडेल लगायतले शुभकामना दिनुभएको थियो ।
माओवादी केन्द्रले सञ्चालन गर्दै आएको जनतासँग माओवादी विशेष रुपान्तरण अभियानअन्तर्गत बैदेशिक रोजगारीमा गएर फर्किएका युवा जनशक्तिको जिल्ला भेला आयोजना गरी रिटर्नी सेन्टर नेपालमार्फत संगठित गरिएको माओवादी केन्द्रका जिल्लासंयोजक विष्णुकुमार हाङ्बाङले जानकारी दिनुभयो । बैदेशिक रोजगारीबाट फर्किएकाहरु संगठित भएसँगै जिल्लामा अब स्वदेशमै आत्मनिर्भर बन्न सकिन्छ भन्ने सन्देश दिनेगरी सामुहिक उत्पादनलाई जोड दिने र विदेश पलायन हुने अवस्थालाई रोक्ने योजनाको पहिचान गरी कार्यान्वयनमा लैजाने पनि रिटर्नी सेन्टरले जनाएको छ ।