माओवादीको निर्वाचन लक्षित प्रशिक्षण सम्पन्न
–उज्यालो पोष्ट
ताप्लेजुङ, भदौ २८ । नेकपा (माओवादी केन्द्र) ताप्लेजुङको निर्वाचन लक्षित कार्यक्रम सम्पन्न भएको छ । जिल्लास्थित माओवादी केन्द्र संघीय निर्वाचन परिचालन समितिले आयोजना गरेको प्रशिक्षण कार्यक्रम मंगलबार सम्पन्न भएको हो ।
संघीय निर्वाचन क्षेत्रस्तरीय अगुवा कार्यकर्ता प्रशिक्षणमा केन्द्रीय अनुशासन आयोगका अध्यक्ष टंक राईले प्रशिक्षण दिनुभएको थियो । राईले वर्तमान राजनीतिक परिवेश, आगामी निर्वाचन, निर्वाचनमा गठबन्धन, दलको भूमिका लगायतका विषयमा प्रशिक्षण दिनुभएको थियो ।
कार्यक्रममा माओवादी केन्द्रका केन्द्रीय सदस्य तथा ताप्लेजुङ जिल्ला इन्चार्ज खेलप्रसाद बुढाक्षेत्री, सहइन्चार्ज मिङमाडण्डु शेर्पा, संयोजक विष्णुकुमार लिम्बू र प्रदेश समिति सचिवालय सदस्य लक्ष्मीप्रसाद अन्छङ्बोले प्रशिक्षणमुलक भनाइ राख्नुभएको थियो । प्रशिक्षण जिल्लाका अगुवा नेता तथा कार्यकर्ताको सहभागिता रहेको माओवादी ताप्लेजुङले जनाएको छ ।
