ताप्लेजुङको फावाखोलामा जंगली जन्तुले गोठमा बाधिएका भेडाबाख्रा खाइदिन थाल्यो,स्थानीय त्रसित
ताप्लेजुङ,जेठ १५ । ताप्लेजुङको फुङलिङ नगरपालिका वडा नं ११ फावाखोलामा जंगली जन्तुले स्थानीयका गोठमा रहेका भेडाबाख्रा खाएर हैरानी पार्न थालेको छ ।
स्थानीय हर्कजंग भट्टराईका अनुसार लामो प्रकृतिको जीउमा थोल्ला थोप्ला भएको खुट्टा पनि लामो भएको बाघ जस्तो देखिने जन्तुले धमाधम गोठमा पालिएका भेडाबाख्रा खाइदिन थालेको छ । भट्टराईले सानाठूला गरी आफ्ना ५ वटा बाख्रा,भक्तबहादुर बिष्टको १ वटा भेडा,जसबहादुर खवासको एउटा बोयर बोकाको पाठा र खगेन्द्र भट्टराईको १ वटा बाख्रा सो जंगली जन्तुले खाइसकेको जानकारी दिनुभयो । ५–६ दिन यता देखि लगातार देखिन थालेको यो जन्तुले स्थानीयका गोठमा पालिएका भेडाबाख्रा धमाधम खाइदिन थालेपछि स्थानीय त्रासमा परेको समेत भट्टराईले जानकारी दिनुभयो ।
फोटो ः प्रतिकात्मक तस्बिर
