सामुदायिक वन उपभोक्ता समूहमा शुसासन अभिबृद्धिका लागि कार्यशाला

ताप्लेजुङ,चैत २२ । सामुदायिक वन उपभोक्ता समूहमा शुसासन र प्रभावकारी अनुगमनका लागि सरोकारवालाको भूमिमा बिषयक कार्यशाला मंगलवार ताप्लेजुङको ताप्लेजुङको पाथीभरा याङ्वरक गाउँपालिकामा सम्पन्न भएको छ ।

सामुदायिक वन उपभोक्ता महासंघ ताप्लेजुङको आयोजना तथा सामुदायिक वन उपभोक्ता महासंघको पाथीभरा याङ्वरक गाउँपालिका समितिको समन्वयमा कार्यशाला सम्पन्न भएको हो । कार्यशालामा सामुदायिक वनमा सुशासन अनुगमन र सुद्रिढीकरणका लागि उपभोक्ता समूह र सरोकारवालाको भूमिका बिषयमा पत्रकार महासंघ ताप्लेजुङका पूर्व अध्यक्ष खगेन्द्र अधिकारीले सहजीकरण गर्नु भएको थियो । सामुदायिक वन उपभोक्ता महासंघको पाथीभरा याङ्वरक गाउँपालिका कार्य समिति सचिव शिव अधिकारीका अनुसार सुशासनको अवधारणा,सुशासनका मुख्य तत्व, सुशासनका अनुगमनका सूचकहरु,वन सम्वन्धी कानुनमा सुशासनका लागि गरिएका व्यवस्था, सामुदायिक वनमा सुशासन सुद्रिढीकरणका लागि सरोकारवालाको भूमिका तथा शुसासन आंकलन तथा मापन विधिका बारेमा छलफल केन्द्रित थियो । कार्यशाला पछि वन उपभोक्ता समूहमा शुसासन सुद्रिढीकरणकालागि वन उपभोक्ता समूहकातर्फबाट कार्ययोजना समेत तयार भएको सामुदायिक वन उपभोक्ता महासंघ ताप्लेजुङका सदस्य सोनु गुरुङले बताउनुभयो । वन उपभोक्ता समूहकोतर्फबाट बिजयकुमार डाँगी र हस्तबहादुर भण्डारीले आफ्नो धारणा राख्दै वन क्षेत्रमा बिद्यमान समस्या,निवारणका लागि गरिएका प्रयास र अबका चुनौति र समाधानका उपाय बारे बताउनु भएको थियो ।

कार्यक्रमको उद्घाटन गर्दै पाथीभरा याङ्वरक गाउँपालिकाका अध्यक्ष केशरकुमार सुब्बाले वन संरक्षणको अभियानमा सामुदायिक वन उपभोक्ता समूहको भूमिकाको प्रशंसा गर्दै वन संरक्षणका अभियानमा स्थानीय सरकारकोतर्फबाट अधिकतम् पहल लिने बिश्वास दिलाउनुभयो । उपाध्यक्ष रनमाया गुरुङले सामुदायिक वन क्षेत्रमा शुसासन प्रवद्र्धनका लागि आवद्ध समूह र महासंघबाट पहल लिइनु सकारात्मक भएको बताउनुभयो । पाथीभरा याङ्वरक गाउँपालिका वडा नं २ का वडाध्यक्ष ज्ञानप्रसाद दाहालले हरेक संगठित संस्थामा सुशासन कायम भएमा संस्थागत उन्नतीका लागि राम्रो सुरुवात हुने बताउनुभयो । कार्यक्रममा पाथीभरा याङ्वरक गाउँपालिकाका प्रमुख प्रशासकीय अधिकृत जर्नादन निरौलाको समेत उपस्थिति रहेको थियो । सामुदायिक वन उपभोक्ता महासंघ ताप्लेजुङका अध्यक्ष सुरज ओझाका अनुसार वन समूह भित्र आर्थिक,कानुनी,सामाजिक र सहभागितात्मक सुशासन प्रवद्र्धनका लागि महासंघले अभियान थालेको बताउनुभयो ।