फोनिज ताप्लेजुङ अध्यक्षमा पुनः लिङ्खिम

–उज्यालो पोष्ट
ताप्लेजुङ, पुस १४ । नेपाल आदिवासी जनजाति महासंघ (फोनिज) ताप्लेजुङको अध्यक्षमा दिनेश लिङ्खिम चयन हुनुभएको छ । सदरमुकाम फुङ्लिङमा मङ्गलबार सम्पन्न छैटौं जिल्ला अधिवेशनले पुनः लिङ्खिमको अध्यक्षतामा नयाँ कार्यसमिति सर्वसम्मत चयन गरेको हो ।
कार्यसमिति उपाध्यक्षमा तेन्जिङ शेर्पा, सचिवमा कृष्ण फुरुम्बो, सहसचिवमा मनमाया माबो र कोषाध्यक्षमा दिलकुमार फेम्बु लिम्बू चयन हुनुभएको छ । यस्तै सदस्यहरुमा टीका यक्सो, सूर्य गुरुङ, बिनु तामाङ, प्रकृति गुरुङ, उदय खुदाङ र वीरेन्द्र राई चयन हुनुभएको फोनिज ताप्लेजुङले जनाएको छ ।
प्रदेश प्रतिनिधिमा बसन्त पालुङ्वा, गंगा लिङ्खिम, राजकुमार गुरुङ, ङिमा शेर्पा र जीतेन चेम्जाङ तथा केन्द्रीय प्रतिनिधिमा अम्विका हाङ्बाङ, केशव लामा, देवराज गुरुङ र अमृता थलङ लिम्बू चयन हुनुभएको निर्वाचन समिति सदस्य माला पालुङ्वाले जानकारी दिनुभयो ।
यसअघि उद्घाटन सत्रलाइ सम्बोधन गर्दै जिल्ला अधिबेशन उद्घाटन कार्यक्रमका प्रमुख अथिति फोनिजका संघीय सदस्य बिजयबोध लावतीले फोनिजको संस्थागत विकास र व्यवसायिक पत्रकारिताका बिभिन्न सवालमा केन्द्रित धारणा राख्नु भएको थियो । कार्यक्रममा फोनिजका संघीय सदस्य चन्द्र पन्दाक‘प्रयास’,फोनिजका अनुशासन आयोग सदस्य माला पालुङ्वा,१ नं प्रदेश सचिव सन्देश सुब्बा,आदिवासी जनजाति महासंघ जिल्ला समन्वय समिति ताप्लेजुङका उपाध्यक्ष अम्बिका राजभण्डारी,किराँत याक्थुङ चुम्लुङका जिल्ला सचिव इन्दिरा मेन्याङ्वो,नेपाल शेर्पा संघका सुन्दर शेर्पा,सुनुवार सेवा समाजका इन्द्र सुनुवार,तमु ह्युल छोंज धी गुरुङ राष्ट्रिय परिषद्का मोहन गुरुङ,पत्रकार महासंघ ताप्लेजुङका अध्यक्ष आनन्द गौतम तथा पूर्व अध्यक्ष खगेन्द्र अधिकारी लगायतले सफलताको शुभकामना दिनु भएको थियो ।