ताप्लेजुङमा करिव ५० हजारले लगाए कोरोना बिरुद्धको पूर्ण खोप

खगेन्द्र अधिकारी
ताप्लेजुङ,मंसिर २० । ताप्लेजुङमा करिव ५० हजार जनाले कोरोना बिरुद्धको पूर्ण खोप लगाएको पाइएको छ । जिल्ला प्रशासन कार्यालयले सोमवार प्रकाशित गरेको बिबरण अनुसार ४९ हजार ६ सय ४९ जनाले कोरोना बिरुद्धको पूर्ण खोप लगाएका छन् । प्रमुख जिल्ला अधिकारी उमेश पाण्डेका अनुसार सबैभन्दा बढी भेरोसिल खोप लगाएका छन् । ३० हजार ६ सय ६ जनाले भेरोसिल खोपको दुबै मात्रा(डोज) लगाएका छन् । यस्तै कोभिडशिल्ड÷एक्सट्राजेनेका खोपको दुबै मात्रा लगाउनेको संख्या १३ हजार १ सय ९३ रहेको छ । ५ हजार ८ सय ५० जनाले एक डोज मात्र लगाए पुग्ने जोन्सन एण्ड जोन्सनको खोप लगाएका छन् । १९ हजार १ सय २० जनाले कोभिडशिल्ड÷एक्सट्राजेनेका खोपको पहिलो मात्रा र ३३ हजार ३ सय ५५ जनाले भेरोसिल खोपको पहिलो मात्रा लगाएका छन् । यसो गर्दा ५ हजार ९ सय २९ जनाले कोभिडशिल्ड÷एक्सट्राजेनेका खोपको दोस्रो मात्रा लगाउन बाँकी रहेको पाइएको छ । यस्तै २ हजार ७ सय ४९ जनाले भेरोसिल खोपको दोस्रो मात्रा लगाउन बाँकी रहेको छ । कोरोना बिरुद्धको खोपको पहिलो मात्रा मात्र लगाउनेको संख्या ८ हजार ६ सय ७८ रहेको पाइएको छ ।