ताप्लेजुङमा नेकपाको सम्पर्क कार्यालय स्थापना

–उज्यालो पोष्ट
ताप्लेजुङ, कात्तिक १४ । ताप्लेजुङमा नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले जिल्ला सम्पर्क कार्यालय स्थापना गरेको छ । नेकपा जिल्ला समितिले सदरमुकाम फुङ्लिङमा आइतबार सम्पर्क कार्यालय स्थापना गरेको हो ।
सम्पर्क कार्यालयको नेकपाका जिल्ला सेक्रेटरी (सचिव) असल पन्दाकले उद्घाटन गर्नुभएको बताइएको छ । कार्यालयको उद्घाटन गर्दै जिल्ला सचिव पन्दाकले आफ्नो पार्टी नेकपा सदैव नेपाल र नेपालीको सुन्दर भविश्य निर्माणका लागि वैज्ञानिक समाजवाद स्थापना गर्न चाहेको पनि बताउनुभएको थियो । यता सम्पर्क कार्यालय स्थापनासँगै अब पार्टीको गतिविधि लगायतका कार्यहरु कार्यालयमार्फत सञ्चालन हुने सो पार्टीले जनाएको छ ।