ताप्लेजुङमा सक्रिय कोरोना संक्रमित १ प्रतिशत भन्दा कम !
खगेन्द्र अधिकारी
ताप्लेजुङ,असोज १९ । ताप्लेजुङमा सक्रिय कोरोना संक्रमित १ प्रतिशत भन्दा कम(०.९९ प्रतिशत) मा झरेको छ । प्रशासन कार्यालयले मंगलवार प्रकाशित गरेको बिबरण अनुसार अहिले सक्रिय कोरोना संक्रमित २५ मा झरेको हो । जिल्ला प्रशासन कार्यालयका शाखा अधिकृत टंकप्रसाद सिटौलाका अनुसार सबैभन्दा बढी पाथीभरा याङ्वरक गाउँपालिकामा १३ जना सक्रिय संक्रमित रहेका छन् । सिटौलाका अनुसार फुङ्लिङ नगरपालिकामा रहेको ताप्लेजुङ अस्पतालले परीक्षण गरेका ७,सिरिजंगा गाउँपालिकामा ४ र आठराइ त्रिबेणी गाउँपालिकामा १ जना गरी सक्रिय संक्रमित २५ मा झरेको प्रशासन कार्यालयले बताएको छ । कोरोनाको दोस्रो भेरिएन्य सुरुभएयता ताप्लेजुङमा २ हजार ५ सय ३० जनामा संक्रमण देखिएकोमा २ हजार ४ सय ८९ जना संक्रमणमुक्त भइसकेको प्रशासन कार्यालयले जानकारी दिएको छ ।
