सरकारद्धारा संबिधान दिवस मनाउन स्थानीय तह सहित सबै निकायलाइ परिपत्र

ताप्लेजुङ,भदौ ३१। सरकारले जिल्ला समन्वय समिति सहितका स्थानीय तह र सबै सरकारी तथा सार्वजनिक निकायलाइ स्वास्थ्य सुरक्षाका मापदण्ड अपनाएर संबिधान दिवस मनाउन परिपत्र गरेको छ । संघीय मामिला तथा सामान्य प्रशासन मन्त्रालयले स्थानीय तह सहित विभाग÷आयोजना÷परियोजना÷प्रतिष्ठान र सबै सरकारी तथा सार्वजनिक निकायलाइ असोज २,३ र ४ गते संबिधान दिवस मनाउन परिपत्रमार्फत अनुरोध गरेको हो । परिपत्र अनुसार स्थानीय तहस्थित सबै सरकारी तथा सार्वजनिक कार्यालयहरुले राष्ट्रिय झण्डा एवम् दिवस केन्द्रित ब्यानर सजाइ कार्यालय र परिसर सफाइ गर्नुपर्ने छ । स्थानीय तहले सम्वन्धित पालिकाका नागरिक समेतलाइ आ–आफ्नो घरटोल एवम् सार्वजनिक स्थलहरुको सफाइका लागि अनुरोध गर्ने,स्थानीय तह भित्र रहेका सरकारी कार्यालय एवम् मण्डला,दरवार स्क्वायर जस्ता सार्वजनिक स्थलहरुमा साँझ दीप प्रज्ज्वलन तथा दीपावली गर्ने र पालिकाबासी नागरिकलाइ समेत घर–घरमा दीपावली गर्न अनुरोध गर्ने,पालिका भित्र सञ्चालित स्थानीय छापा तथा बिद्युतीय सञ्चार माध्यमबाट संबिधानको महत्व सम्वन्धी रचनात्मक तथा सृजनात्मक कार्यक्रम प्रकाशन÷प्रसारण गर्ने व्यवस्था मिलाउने कार्यका लागि सरकारले अनुरोध गरेको छ । यस्तै दिवस केन्द्रित रही अन्य सान्र्दभिक तथा उपयुक्त कार्यक्रमहरु आयोजना तथा सञ्चालनको प्रवन्ध गर्न र जिल्लास्थित मठमन्दिर,बुद्धबिहार,मस्जिद,गुरुद्धार,चर्च लगायतका धार्मिक स्थानहरुमा पुजारी–धर्मगुरुहरुबाट नित्य धार्मिक अनुष्ठान÷संकल्प गर्दा राष्ट्र,राष्ट्रियता,स्वतन्त्रता र संबिधानका लागि जीवन उत्सर्ग गर्ने ज्ञात–अज्ञात शहीदहरुको आत्माको चीर शान्तिको कामना एवम् उच्च सम्मान तथा श्रद्धा प्रकट गर्दै पूजापाठ तथा प्रार्थनाको प्रवन्ध गर्न समेत परिपत्र गरिएको छ ।