ताप्लेजुङमा बुधबार थप ६ जनामा कोरोना सङ्क्रमण पुष्टि
–उज्यालो पोष्ट
ताप्लेजुङ, जेठ १२ । ताप्लेजुङमा बुधबार थप छ जनामा कोरोना संक्रमण पुष्टि भएको छ । जिल्ला अस्पताल ताप्लेजुङका अनुसार बुधबार १२ जनाको एन्टिजेन परीक्षणमा छ जनाको रिपोर्ट पोजेटिभ आएको हो ।
परीक्षण गरिएकामध्ये छ जनाको रिपोर्ट भने नेगेटिभ आएको जिल्ला अस्पतालले जनाएको छ । जिल्ला अस्पतालका (कोभिड–१९) फोकल पर्सन डाक्टर भरत खत्रीले जारी गर्नुभएको सूचनाअनुसार हाल अस्पतालको आइसोलेसनमा नौ जना संक्रमित उपचाररत रहनुभएको छ ।
