सिदिङ्वा गाउँपालिका उपाध्यक्ष ताम्लिङलाई कोरोना पुष्टि

उज्यालो पोष्ट
ताप्लेजुङ, जेठ ३ । ताप्लेजुङको सिदिङ्वा गाउँपालिका उपाध्यक्ष जीवनकुमार ताम्लिङलाई कोरोना सङ्क्रमण पष्टि भएको छ । सिदिङ्वा गाउँपालिकाबाट तीन दिनअघि ४९ जनाको स्वाब परीक्षण गर्न पठाएकोमा सोमबार आएको रिपोर्टअनुसार उपाध्यक्ष ताम्लिङलाई कोरोना भाइरस कोभिड–१९ सङ्क्रमण पुष्टि भएको हो ।
उपाध्यक्ष ताम्लिङसहित सिदिङ्वाका सात जनाको रिपोर्ट पोजेटिभ हो । पोजेटिभ रिपोर्ट आउनेमा सिदिङ्वा–३ आँखोपका एकजना महिला हुनुहुन्छ भने वडा नं. ६ मेहेलेका दुईजना महिला र तीन पुरुष गरी पाँचजना हुनुहुन्छ । बाँकी ४२ जनाको रिपोर्ट नेगेटिभ आएको जिल्ला प्रशासन कार्यालयल ताप्लेजुङले जनाएको छ । यता आफ्नो रिपोर्ट पोजेटिभ आएपनि स्वास्थ्य अवस्था भने सामान्य रहेको उपाध्यक्ष ताम्लिङले जानकारी दिनुभयो ।