आइतवार मृत्यु भएकी सुकेटारकी भीमकुमारीको एन्टिजेन परीक्षण रिर्पोट कोरोना पोजेटिभ देखियो

ताप्लेजुङ,२६ बैशाख । आइतवार बिहान मृत्यु भएकी ताप्लेजुङको फुङ्लिङनगरपालिका वडा नं ६ मा सुकेटारमा बसोबास गर्ने भीमकुमारी बिष्ट चिमोरियाको मृत्यु पछि गरिएको एन्टीजेन परीक्षण रिर्पोट कोरोना पोजेटिभ आएको छ । उपचारका लागि लैजाँदै गर्दा उहाँको पाँचथरको गोपेटारमा मृत्यु भएको थियो । उहाँको मृत्यु पछि गरिएको एन्टीजेन परीक्षण रिर्पोट कोरोना पोजेटिभ आएको ताप्लेजुङ जिल्ला अस्पतालका निमित्त मेडिकल सुपरीटेन्डेन्ट डाक्टर सोनिङ लामाले जानकारी दिनुभयो । एन्टीजेन परीक्षण रिर्पोट कोरोना पोजेटिभ आएपछि शवलाइ उहाँका आफन्तजनले अन्त्येष्टी गर्नेगरी पीपीइ सेट उपलब्ध गराइने प्रमुख जिल्ला अधिकारी उमेश पाण्डेले जानकारी दिनुभयो । यसैबीच ताप्लेजुङ जिल्ला अस्पतालले आइतवार प्रकाशित गरेको बिबरण अनुसार ताप्लेजुङमा कूल १ सय ३६ जना सक्रिय कोरोना संक्रमित रहेका छन् । ३ जना डिस्चार्ज भएको ताप्लेजुङ जिल्ला अस्पतालका कोभिड–१९ फोकल पर्सन डाक्टर भरत खत्रीले जानकारी दिनुभयो । आइतवार पीसीआर बिधिबाट ३२ जना र एन्टिजेन बिधिबाट ४ जना कोरोना संक्रमित थपिएका छन् । अस्पतालको आइसोलेसनमा ५ जना र फिबर क्लिनिकमा १८ जना बिरामी उपचारका लागि भर्ना भएको समेत अस्पतालले जनाएको छ । १ जना बिरामीलाइ रेफर गरिएको छ ।