माछा मार्न जाँदा ढुङ्गाले किचेर ताप्लेजुङको खेवाङमा १ जनाको मृत्यु

ताप्लेजुङ,कात्तिक ६ । ताप्लेजुङको सिरिजङ्घा गाउँपालिका वडा नं ७ खेवाङ स्थित केवाखोलामा माछा मार्ने क्रममा ढुङ्गा कोट्याउने क्रममा ढुङ्गाले किचेर १ जनाको मृत्यु भएको छ । मृत्यु हुनेमा भारतको सिक्कीम घर भइ स्थानीय इन्द्रबहादुर गुरुङको घरमा काम गर्न बस्दै आएका ३० बर्षिय दीपक गुरुङ रहेका छन् । उनी स्थानीय २५ बर्षिय बासु गुरुङसंग मिलेर केवाखोलामा माछा मार्न गएका थिए । जिल्ला प्रहरी कार्यालय ताप्लेजुङका प्रहरी प्रमुख(डिएसपी)महेन्द्रकुमार श्रेष्ठका अनुसार खोलाको भित्तामा ढुङ्गा कोट्याउने क्रममा अचानक ढुङ्गा पल्टिएर दीपकलाइ किचेको थियो । घटनाका बारेमा जानकारी पाउनासाथ प्रहरी चौकी खेवाङबाट प्रहरी सहायक निरीक्षकको कमाण्डमा प्रहरी टोली घटनास्थलतर्फ परिचालित भएको प्रहरीले जानकारी दिएको छ ।