ताप्लेजुङको तेल्लोकमा पहिरोले पावर हाउस पु¥यो,२ कर्मचारी बेपत्ता

ताप्लेजुङ, भदौ २२ । गएरातिबाट परेको अबिरल बर्षाका कारण झरेको पहिरोले ताप्लेजुङको सिरिजङ्घा गाउँपालिका वडा नं ४ तेल्लोकमा रहेको नागदेवा जलबिद्युत आयोजनाको पावरहाउस पुर्दा त्यहाँ काम गर्ने २ जना कर्मचारी बेपत्ता भएका छन् । आयोजनाको पावरहाउस माथिबाट झरेको पहिरोले पुर्दा पावरहाउसमा काम गर्ने तेल्लोकका ३० बर्षिय राजु लिम्बू र ५५ बर्षियबिष्णुदास थेबे बेपत्ता भएका छन् । पहिरो बारेको जानकारी प्रहरीलाई अहिले बिहान ६ बजे प्राप्त भए लगत्तै इलाका प्रहरी कार्यालय तल्लोकका प्रहरी निरीक्षक अर्जुन पोखरेलको कमाण्डमा प्रहरी टोली परिचालन भएको जिल्ला प्रहरी प्रमुख डिएसपी महेन्द्रकुमार श्रेष्ठले जानकारी दिनुभयो । अहिले प्रहरी र स्थानीय समुदायको सहकार्यमा पुरिएको स्थलमामा उद्धार कार्य जारी रहेको र बेपत्ताको खोजी भईरहेको समेत श्रेष्ठले बताउनुभयो ।