आफ्नै गाईगोठमा मृत भेटिए ताप्लेजुङको थुकिमामा एक बृद्ध

ताप्लेजुङ,साउन १४ । ताप्लेजुङको मेरिङ्देन गाउँपालिका वडा नं ५ थुकिमाका ६२ बर्षिय फुर्वा ग्याल्वो शेर्पा आफ्नै गाई गोठमा मृत अवस्थामा भेटिएका छन् । थुकिमाको बर्खेटोलमा उनी घरदेखि ४ घण्टाको पैदल दुरीमा पर्ने पूर्व हिलेखोला नजिककैको गाईगोठमा मृत अवस्थामा भेटिएका हुन् । जिल्ला प्रहरी कार्यालय ताप्लेजुङका प्रमुख(डिएसपी)महेन्द्रकुमार श्रेष्ठका अनुसार अब पोष्टमार्टमका लागि ताप्लेजुङ जिल्ल अस्पताल ल्याईदैं छ । मेरिङ्देन गाउँपालिका वडा नं ५ थुकिमाका वडाध्यक्ष जयबहादुर खड्काले घटनाका बारेमा जानकारी गराएपछि प्रहरी घटनास्थलमा पुगेको थियो । प्रहरी प्रमुख श्रेष्ठले घटनाका बारेमा अनुसन्धान जारी रहेको जानकारी दिनुभयो ।