सिरिजङ्गा गाउँपालिका स्तरीय राष्ट्रपति रनिङ शिल्डमा तेल्लोक मावि पहिलो
उज्यालो पोष्ट
ताप्लेजुङ,पुस २५ । ताप्लेजुङको सिरिजङ्गा गाउँपालिका स्तरीय राष्ट्रपति रनिङ शिल्डमा तेल्लोक मावि प्रथम भएको छ । ११ स्वर्ण,४ रजत र ६ कास्य गरी कूल २१ पदकका साथ तेल्लोक मावि पहिलो भएको हो ।
६ स्वर्ण,१२ रजत र ३ कास्य सहित २१ पदक प्राप्त गरेको सिनाम नमूना मावि दोस्रो भएको छ । ३ स्वर्ण,४ रजत र ८ कास्य गरी कूल १५ पदकका साथ सरस्वती मावि सिकैचा तेस्रो हुँदा ३ स्वर्ण,२ रजत र ५ कास्य गरी ९ पदकका साथ गणेश मावि खेवाङ चौथो भएको छ ।
३ स्वर्ण,२ रजत र २ कास्य पदक प्राप्त गरेको राष्ट्रिय मावि पेदाङ पाँचौं हुँदा १ स्वर्ण र ५ कास्य गरी कूल ६ वटा पदक जितेको कञ्चनजंघा मावि याम्फुदिन छैटौं भएको छ । सिकैचास्थित दुर्गा मावि १ स्वर्ण सहित सातौं हुँदा स्वर्णविहिन आम्बेगुदिन मावि रजा ४ रजत र २ कास्य सहित आठौं स्थानमा रहयो । लक्ष्मी मावि मामाङ्खे भने पदकविहिन घर फर्किएको छ ।
