माघ १ गते देखि मैवाखोलाको तेम्बेमा फुटबल,भलिबल तथा ब्याडमिन्टन प्रतियोगिता हुने
खगेन्द्र अधिकारी
ताप्लेजुङ,पुस २३ । ताप्लेजुङको मैवाखोला गाउँपालिका वडा नं २ तेम्बेमा आउँदो माघ १ गते देखि ५ गते सम्म सञ्चालन हुने माघे मेलाका अवसरमा फुटबल,भलिबल तथा ब्याडमिन्टन प्रतियोगिता सञ्चालन हुने भएको छ ।
सृजनशिल स्पोर्टिङ युवा क्लवको आयोजनामा पुरुष फुटबल, भलिबल तथा ब्याडमिन्टन प्रतियोगिता हुने भएको क्लवका अध्यक्ष नन्दकुमार वनेम लिम्बूले जानकारी दिनुभयो । मेला व्यवस्थापन समिति अध्यक्ष दिनेश लिम्बूका अनुसार विगत लामो समय देखि लाग्दै आएको मेलालाई यसबर्षपनि निरन्तरता दिईएको छ ।
खेल संयोजक विवेक तेम्बेका अनुसार पुरुष फुटबलका विजेताले नगद १ लाख ३५ हजार र उपबिजेताले ७० हजार रुपैयाँ नगद पुरस्कार सहित ट्रफी,मेडल र प्रमाणपत्र प्राप्त गर्ने भएका छन् । यस्तै पुरुष भलिबलका बिजेताले नगद ३५ हजार र उपविजेताले नगद २५ हजार रुपैयाँका साथ ट्रफी,मेडल र प्रमाणपत्र प्राप्त गर्ने आयोजक सृजनशिल स्पोर्टिङ युवा क्लवले जनाएको छ ।
उता ब्याडमिन्टन डबलका बिजेताले नगद १६ हजार तथा उपविजेताले नगद १० हजार रुपैयाँका साथ मेडल र प्रमाणपत्र पाउँदा ब्याडमिन्टन सिङ्गलतर्फका बिजेताले नगद ११ हजार तथा उपबिजेताले नगद ६ हजार रुपैयाँका साथ मेडल र प्रमाणपत्र पाउने छन् । माघ ३ गते बेलुका राष्ट्रिय तथा स्थानीय कलाकारको उपस्थितिमा बृहत्त साँस्कृतिक कार्यक्रम समेत आयोजना भएको आयोजक सृजनशिल स्पोर्टिङ युवा क्लवले जनाएको छ ।
