सिरिजङ्गामा पालिका स्तरीय रनिङ शिल्ड पुस २१ देखि
उज्यालो पोष्ट
ताप्लेजुङ,पुस ८ । ताप्लेजुङको सिरिजङ्गा गाउँपालिकाले पालिका स्तरीय राष्ट्रपति रनिङ शिल्ड प्रतियोगिता पुस २१ गते देखि सञ्चालन गर्ने भएको छ ।
गाउँपालिकाका प्रमुख प्रशासकीय अधिकृत डम्बरबहादुर आङदेम्बेका अनुसार तेल्लोक माविको खेल मैदानमा पुस २१ देखि २३ गते सम्म प्रतियोगिता सञ्चालन हुने छ ।
पालिका स्तरीय राष्ट्रपति रनिङ शिल्ड भने तेल्लोक माविको आयोजनामा हुने सिरिजङ्गा गाउँपालिकाले जनाएको छ ।
प्रतियोगितामा कक्षा १२ सम्म नियमित रुपमा अध्ययनरत १८ बर्ष मुनिका छात्रछात्राहरुले सहभागिता जनाउन पाउने छन् ।
