संघीय मेलाको भलिबल बिजेताले ८१ हजार रुपैयाँ पाउने

उज्यालो पोष्ट
ताप्लेजुङ,पुस ६ । ताप्लेजुङको सिरिजङ्गा गाउँपालिका वडा नं २ आम्बेगुदिनस्थित खाम्दिने बजारमा पुस १६ गते देखि हुने संघीय मेलाको भलिबल तथा नृत्यतर्फको पुरस्कार राशी घोषणा गरिएको छ ।

आयोजक संघीय खेलकुद तथा साँस्कृतिक युवा क्लवका अध्यक्ष उमेश अधिकारीका अनुसार अन्तर गाउँपालिका वडास्तरीय पुरुष भलिबल प्रतियोगिताका बिजेताले नगद ८१ हजार तथा उपबिजेताले ४१ हजार रुपैयाँका साथ ट्रफी,मेडल र प्रमाणपत्र पाउने छन् । प्रतियोगितामा तृतीय हुनेटिमलाई नगद १५ हजार रुपैयाँ दिइने भएको छ ।

यता, नृत्यतर्फ प्रथम हुनेलाई नगद ८ हजार र दोस्रो हुनेलाई नगद ५ हजार रुपैयाँका साथ ट्रफी,मेडल र प्रमाणपत्र प्रदान गरिने आयोजकले जनाएको छ । नृत्यतर्फ तेस्रो हुनेले नगद ३ हजार रुपैयाँ पुरस्का पाउने भएका छन् । पुस १६,१७ र १८ गते सम्म हुने ऐतिहासिक संघीय मेलाको अवसरमा पुस १७ गते साँझ सांस्कृतिक कार्यक्रम हुने भएको छ । गायक प्रमोद खरेल,कुशल थलङका साथ दीपा सुहाङ र प्रितिका बेघा सहितका कलाकारको उपस्थितिमा साँस्कृतिक कार्यक्रम हुन लागेको अधिकारीले जानकारी दिनुभयो ।