उज्यालो पोष्टका प्रकाशक पन्दाक ५१ हजार सहित पुरस्कृत

उज्यालो पोष्ट
ताप्लेजुङ,पुस ६ । ताप्लेजुङबाट प्रकाशित हुने एकमात्र दैनिक पत्रिका उज्यालो पोष्टका प्रकाशक चन्द्रबहादुर पन्दाक‘प्रयास’नगद ५१ हजार रुपैयाँ सहित आठौं भरत भुर्तेल स्मृति पत्रकारिता पुरस्कार २०८१ बाट पुरस्कृत हुनु भएको छ ।

पवित्रा–भेषराज स्मृति प्रतिष्ठानले शनिवार झापामा आयोजना गरेको कार्यक्रममार्फत पन्दाक पुरस्कृत हुनु भएको हो । पन्दाक गोरखापत्र दैनिकका ताप्लेजुङ सम्बाददाता समेत रहनु भएको छ ।

जनस्वास्थ्य विशेषज्ञ डाक्टर अरुणा उप्रेतीको प्रमुख आतिथ्यतामा भएको कार्यक्रममा प्रतिष्ठानका अध्यक्ष छबिलाल खतिवडाको अध्यक्षतामा भएको थियो ।

कार्यक्रममार्फत उत्कृष्ट बिद्यालय,उत्कृष्ट शिक्षक र सर्बोकृष्ट बिद्यार्थी तथा उत्कृष्ट बिद्यार्थीलाई समेत पुरस्कृत गरिएको थियो ।