मैवाखोलाले दियो फाकुम्बा प्रहरी चौकीका लागि एकथान मोटरसाईकल

उज्यालो पोष्ट
ताप्लेजुङ,मंसिर २१ । शान्ति सुरक्षा व्यवस्थापनमा सहयोग पु¥याउन ताप्लेजुङको मैवाखोला गाउँपालिकाले अस्थायी प्रहरी चौकी फाकुम्बालाई एकथान मोटरसाईकल हस्तान्तरण गरेको छ ।

गाउँपालिका अध्यक्ष विजयप्रकाश वनेमले शुक्रवार दोभान इलाका प्रहरी कार्यालयका प्रमुख प्रहरी निरीक्षक ओमप्रकाश पण्डित र अस्थायी प्रहरी चौकी फाकुम्बाका प्रमुखलाई मोटरसाईलक हस्तान्तरण गर्नु भएको छ । शान्ति सुरक्षा व्यवस्थापनमा सहज होस् भनेर उक्त मोटरसाईकल हस्तान्तरण गरिएको गाउँपालिका अध्यक्ष वनेमले बताउनुभयो ।

यसअघि आठराई त्रिबेणी गाउँपालिकाले अघिल्लो बर्ष फुलवारी प्रहरी चौकीका लागि एकथान मोटरसाईकल दिएको थियो भने जिल्ला ट्राफिक प्रहरी कार्यालयका लागि एकथान ल्यापटप दिएको थियो । कार्यक्रममा कार्यक्रममा मैवाखोला गाउँपालिकाका प्रमुख प्रशासकीय अधिकृत विष्णु थापा,वडाध्यक्ष केशर लिम्बू,सशस्त्र प्रहरी वल नेपाल नेपाल ढुङगेसाँघु बेसक्याम्पका सशस्त्र प्रहरी निरीक्षक योगाहाङ पतङ्वा समेतको उपस्थिति रहेको थियो ।