सिकैचामा १ बजे सम्ममा खस्यो ६८५ मत

उज्यालो पोष्ट
ताप्लेजुङ,मंसिर १६ । ताप्लेजुङको सिरिजङगा गाउँपालिका वडा नं ३ सिकैचाको वडाध्यक्षका लागि सुरु भएको मतदानमा दिउँसो १ बजे सम्ममा ६ सय ८५ मत खसेको छ । सिकैचाको उपनिर्वाचनमा १ हजार ५ सय २८ मतदाता रहेका छन् ।

मुख्य निर्वाचन अधिकृतको कार्यालयका सहायक निर्वाचन अधिकृत दलबहादुर तामाङका अनुसार सरस्वती मावि कुञ्जारी मतदान स्थलमा ४ सय ७३ मत र दुर्गा मावि ओसे मतदानस्थलमा २ सय १२ मत खसेको हो ।

सरस्वती मावि कुञ्जारी मतदान स्थलमामा १ हजार २६ र दुर्गा मावि ओसे मतदानस्थलमा ५ सय २ मतदाता रहेका छन् ।