सिकैचा उपनिर्वाचन: तारबार घेरा लगाएर मतगणना स्थल तयार

खगेन्द्र अधिकारी
ताप्लेजुङ,मंसिर १५ । ताप्लेजुङको सिरिजङगा गाउँपालिका वडा नं ३ सिकैचाको वडाध्यक्षका लागि हुने उपनिर्वाचनको मतगणनाका लागि तारबार घेरा लगाएर मतगणना स्थल तयार गरिएको छ ।

मुख्य निर्वाचन अधिकृतको कार्यालय रहेको सिकैचा वडा कार्यालयमा मतगणनाका लागि तारबार घेराबारा गरी मतगणनास्थल तयार गरिएको मुख्य निर्वाचन अधिकृतको कार्यालयका सहायक निर्वाचन अधिकृत दलबहादुर तामाङले जानकारी दिनुभयो । उहाँका अनुसार उम्मेदवारका प्रतिनिधिलाई तारबार भन्दा बाहिर राखेर मतगणना गर्नेहरु तारबार भित्रको भागमा रही गणना गर्ने प्रवन्ध गरिएको छ ।‘तारबारको बाहिरी भागमा दल तथा उम्मेदवारका प्रतिनिधि रहनु हुनेछ’तामाङले भन्नुभयो ‘भित्र रहेका मतगणना कर्मचारीले प्रत्येक मतको अवस्था देखाउँदै गणना गर्नुहुने छ’ ।

मतदान सकिएको केहि समय भित्रै मतपेटिका मुख्य निर्वाचन अधिकृतको कार्यालयमा पु¥याई आवश्यक छलफल र परार्मश पछि सोमवारबाटै मतगणना थाल्ने मुख्य निर्वाचन अधिकृतको कार्यालयको तयारी छ । सिकैचाको वडाध्यक्ष उपनिर्वाचनमा १ हजार ५ २८ मतदाता रहेका छन् । दुई मतदान स्थल र दुई मतदान केन्द्र छन् । ५ राजनीतिक दलका ५ उम्मेदवार रहेको त्यहाँ नेपाली काँग्रेसबाट भीमकुमार लक्सम्बा लिम्बू,नेकपा एमालेका कुमारी साउदेन,नेकपा(माओवादी केन्द्र)का अम्बि साउदेन,राष्ट्रिय स्वतन्त्र पार्टीका देवीप्रसाद पौडेल र संघीय लोकतान्त्रिक राष्ट्रिय मञ्चबाट राजेन्द्र काङ्वा लिम्बू उम्मेदवार रहनु भएको छ ।

Similar Posts