सिकैचा उपनिर्वाचन: उम्मेदवारी दर्ता गरेका कसैले पनि लिएनन् उम्मेदवारी फिर्ता

उज्यालो पोष्ट
ताप्लेजुङ,मंसिर ५ । ताप्लेजुङको सिरिजङगा गाउँपालिका वडा नं ३ सिकैचाको वडाध्यक्षका लागि हुने उपनिर्वाचनमा उम्मेदवार भएका ५ जनाकै उम्मेदवारी कायम रहने भएको छ ।

उम्मेदवारी फिर्ता लिने बुधवार १ः०० बजे सम्ममा कसैले पनि उम्मेदवारी फिर्ता नलिएको मुख्य निर्वाचन अधिकृत तथा जिल्ला न्यायाधीस विकास श्रेष्ठले जानकारी दिनुभयो । कसैले पनि उम्मेदवारी फिर्ता नलिएपछि अब मुख्य निर्वाचन अधिकृतको कार्यालयले बुधवारै उम्मेदवारको अन्तिम नामावली प्रकाशित गर्ने तयारी गरेको छ ।

मुख्य निर्वाचन अधिकृत श्रेष्ठले बुधवारै उम्मेदवारलाई निर्वाचन चिन्ह प्रदान गर्ने समेत जानकारी दिनुभयो । सिकैचाको वडाध्यक्षका लागि नेपाली काँग्रेसबाट भीमकुमार लक्सम्बा लिम्बू,नेकपा एमालेबाट कुमारी साउदेन,नेकपा(माओवादी केन्द्र)बाट अम्बि साउदेन,राष्ट्रिय स्वतन्त्र पार्टीबाट देवीप्रसाद पौडेल र संघीय लोकतान्त्रिक राष्ट्रिय मञ्चबाट राजेन्द्र काङ्वा लिम्बूको उम्मेदवारी परेको छ ।

Similar Posts