क्यान ताप्लेजुङको अध्यक्षमा श्रेष्ठ चयन

उज्यालो पोष्ट
ताप्लेजुङ,मंसिर १ । कम्प्युटर एशोसिएसन नेपाल महासंघ(क्यान)ताप्लेजुङको नवौं बार्षिक साधारणसभा तथा पाँचौं जिल्ला अधिबेशनले अरुण श्रेष्ठ अध्यक्ष रहेको समिति सर्वसम्मत चयन गरेको छ ।

महासंघको जिल्ला उपाध्यक्षमा जीवनकुमार श्रेष्ठ,सचिवमा मणिकुमार सेम्बु लिम्बू सहसचिवमा जीवन कालिकोटे तथा कोषाध्यक्षमा पुण्यप्रसाद आचार्य चयन भएको निर्वाचन समिति संयोजक तथा अधिवक्ता सन्तोष प्रसाँईले जानकारी दिनुभयो । महासंघका सदस्यहरुमा टीकामाया यक्सो तेजकुमार बराईली,राजु मिश्र र हरिनन्द नेवार चयन हुनु भएको छ ।

अधिबेशनले निवर्तमान जिल्ला अध्यक्ष बिष्णुकुमार हाङवाङ(विरु)लाई केन्द्रीय प्रतिनिधि चयन गरेको छ । अधिबेशनले सांगठनिक तथा आर्थिक प्रतिबेदन समेत पारित गरेको छ । क्यानका केन्द्रीय सचिव ठाकुरकुमार श्रेष्ठको प्रमुख आतिथ्यतामा भएको कार्यक्रममा क्यानका कोशी प्रदेश समिति अध्यक्ष रोशन दाहाल,मिक्वाखोला गाउँपालिका उपाध्यक्ष डण्डु लामा शेर्पा,क्यानका झापा जिल्ला अध्यक्ष कृष्ण घिमिरे र सुनसरी अध्यक्ष सन्देश राई सहितले अधिबेशन सफलताको शुभकामना दिनु भएको थियो ।