गैर सरकारी संस्था महासंघ ताप्लेजुङको नयाँ समिति चयन
-उज्यालो पोष्ट
ताप्लेजुङ, कात्तिक २१ । ताप्लेजुङस्थित गैर सरकारी संस्था महासंघ नेपाल शाखाको नयाँ कार्यसमिति चयन भएको छ । सदरमुकाम फुङ्लिङमा बुधबार सम्पन्न सातौं जिल्ला अधिवेशनले पुनः खड्गविक्रम सुबेदी अध्यक्ष रहेको १३ सदस्यीय नयाँ कार्यसमिति सर्वसम्मत चयन गरेको हो ।
शाखा कार्यसमितिको उपाध्यक्षमा प्रजिन हाङ्बाङ, सचिव मणिशंकर पोमु, सहसचिव मात्रिकादेवी प्रसाईँ र कोषाध्यक्षमा खगेन्द्र नेपाली चयन हुनुभएको छ । यस्तै सदस्यहरुमा दिलकुमारी लिम्बू श्रेष्ठ, चन्द्र यवागु, रमेश राई, भोलाप्रसाद पौडेल, तिलप्रसाद सुब्बा, तुलसा विक, किरण लिङ्देन र रमेश घिमिरे रहनुभएको छ ।
गैर सरकारी संस्था महासंघ नेपालका केन्द्रीय अध्यक्ष रामप्रसाद सुबेदी, कोशी प्रदेशसभा सदस्य तथा पूर्वमन्त्री तिलकुमार मेन्याङ्बो, गैसस महासंघका महासचिव अर्जुन भट्टराई, कोशी प्रदेश समितिका पदाधिकारी लगायतको उपस्थितिमा जिल्ला शाखाको अधिवेशन सम्पन्न भएको हो ।
