ताप्लेजुङको फुरुम्बुस्थित एकघरमा आगलागी,ठूलो परिमाणमा अलैंची सहित घरका सबै सामान जले
उज्यालो पोष्ट
ताप्लेजुङ,कात्तिक १४ । ताप्लेजुङको फुङलिङ नगरपालिका वडा नं १० फुरुम्बु याफ्रेमा मंगलवार राति भएको आगलागीबाट एक घर ध्वस्त भएको छ ।
फुङलिङ नगरपालिका वडा नं १० फुरुम्बुका वडाध्यक्ष सन्तोष लिम्बूका अनुसार बिद्याप्रसाद सिग्देलको घर आगलागीले ध्वस्त भएको छ । बिद्युत सर्ट भइ आगलागी भएको अनुमान गरिएको समेत वडाध्यक्ष लिम्बूले जानकारी दिनुभयो ।
रातको समयमा आगलागी भएकोले घरधनीले भागेर मात्र ज्यान बचाउन सकेको र अरु कुनै सामग्री निकाल्न नसकिएको स्थानीयले जनाएका छन् ।
उक्त घरमा ठूलो परिमाणममा अलैंची समेत भण्डारण गरी राखिएकोले ठूलो मूल्यमा क्षति भएको अनुमान गरिएको छ । क्षतिको पूर्ण विवरण भने आइसकेको छैन ।
