एमाले फुङलिङ नगर कमिटीद्धारा शुभकामना आदान–प्रदान तथा चियापान कार्यक्रम
उज्यालो पोष्ट
ताप्लेजुङ,कात्तिक १२ । नेकपा एमाले फुङलिङ नगर कमिटी ताप्लेजुङले नेपालीहरुका मुख्य चाडपर्वको अवसरमा सोमवार शुभकामना आदान–प्रदान तथा चियापान कार्यक्रम गरेको छ । नगर कमिटी अध्यक्ष ज्ञानेन्द्र लावतीका अनुसार दशैं,तिहार,वलिहाङ तङनाम,नेपाल सम्वत्,छैट,ल्होसार,उँधौली सहितको अवसर पारेर शुभकामना आदान–प्रदान तथा चियापान कार्यक्रम आयोजना भएको हो ।
एमाले केन्द्रीय कमिटी सचिव तथा प्रतिनिधिसभा सदस्य योगेशकुमार भट्टराई,एमाले पोलिटब्युरो सदस्य तथा प्रदेशसभा सदस्य तिलकुमार मेन्याङ्वो,जिल्ला कमिटी अध्यक्ष डम्बरध्वोज तुम्बाहाम्फे,प्रदेश कमिटी सदस्यद्धय मात्रिकाप्रसाद भट्टराई र सन्तोष खतिवडा,बिभिन्न राजनीतिक दलका प्रमुख तथा प्रतिनिधि,संघसंस्थाका प्रतिनिधि,एमाले जिल्ला कमिटीका पदाधिकारी एवम् सदस्यहरु,प्रदेश कमिटीको बिभिन्न निकायमा रहेका व्यत्तित्वहरुको उपस्थिति रहेका थियो ।
