एमालेले तोक्यो ताप्लेजुङका पालिका कमिटी इञ्चार्ज,खतिवडा प्रदेश कमिटी सदस्यमा मनोनित

उज्यालो पोष्ट
ताप्लेजुङ,भदौ ११ । नेकपा एमालेको कोशी प्रदेश कमिटीले ताप्लेजुङका पालिका कमिटीहरुको इञ्चार्ज तोकेको छ ।

एमाले ताप्लेजुङका पूर्व उपाध्यक्ष सन्तोष खतिवडा प्रदेश कमिटी सदस्यमा मनोनित समेत हुनु भएको छ । अधिकाँस प्रदेश कमिटी सदस्यहरुलाई पालिका कमिटी इञ्चार्जको जिम्मेवारी दिएको छ । प्रदेश कमिटी सदस्य अनन्तकुमार साँवालाई सिरिजङ्गा गाउँपालिकाको इञ्चार्जको जिम्मेवारी दिँदा पाथीभरा याङवरक गाउँपालिका अध्यक्ष केशरकुमार सुब्बाले सिदिङ्वा गाउँपालिका इञ्चार्जको जिम्मेवारी पाउनु भएको छ । पाथीभरा याङवरक गाउँपालिका कमिटीको इञ्चार्ज चित्राकुमारी लिम्बूले पाउनु भएको छ । फुङलिङ नगरपालिकाको इञ्चार्जको जिम्मेवारी सन्तोष खतिवडाले पाउनु भएको छ ।

प्रदेश कमिटी सदस्य मात्रिकाप्रसाद भट्टराईलाई फक्ताङलुङ गाउँपालिकाको जिम्मेवारी दिईएको छ । देवसेन आङवुहाङले मिक्वाखोला गाउँपालिकाको इञ्चार्जको जिम्मेवारी पाउँदा टीका सुबेदीले मेरिङदेन गाउँपालिका कमिटीको जिम्मेवारी पाउनु भएको छ । मैवाखोला गाउँपालिका कमिटीको इञ्चार्जमा बुद्धिमान परियार र आठराई त्रिबेणी गाउँपालिकाको इञ्चार्जमा राम चुँडाललाई जिम्मेवारी दिईएको छ ।

कोशी प्रदेश सल्लाहकार समितिमा बलबहादुर साम्सोहाङ,गोपाल थोप्रा,काजीमान साम्सोहाङ,छत्रपति प्याकुरेल,सिंहबहादुर इवाराम,होमकुमारी साँवा,इन्द्र शेर्पा,ताराहाङ लिम्बू,रामप्रसाद सुबेदी,मणि लाबुङ,तेजवहादुर पन्दाक, मंगलसिंह केदेम र राधाकृष्ण पौडेल चयन हुनु भएको एमाले प्रदेश कमिटीले जनाएको छ ।