एमाले ताप्लेजुङको १२ औं जिल्ला अधिबेशनमा करिव ३ सय ६१ जना अधिबेशन प्रतिनिधि

उज्यालो पोष्ट
ताप्लेजुङ,बैशाख १९ । बैशाख २४ बाट सुरु हुने नेकपा एमाले ताप्लेजुङको १२ औं जिल्ला अधिबेशनमा ३ सय ६१ जना अधिबेशन प्रतिनिधि हुने भएका छन् ।

जिल्ला अधिबेशन प्रचार संयोजक एवम् एमाले जिल्ला कमिटी उपसचिव मणिशंकर पोमूका अनुसार जिल्ला अधिबेशन आयोजक कमिटीबाट १ सय ७ जना,६१ वडाबाट २ सय ३६ जना र १८ जना जनसंगठनबाट १–१ जनाको दरले १८ जना प्रतिनिधि चयन हुन लागेका छन् । समावेशी सहभागिताका आधारमा समेत अधिबेशन प्रतिनिधि चयन हुने भएकोले उल्लेखित संख्यामा केहि थपघट समेत हुनसक्ने एमाले ताप्लेजुङले जनाएको छ । आयोजक कमिटीको १ सय ७ बाहेक जनसंगठन सहित भूगोलबाट आउने प्रतिनिधिको चयन बैशाख २१ गते एकैदिन गर्नेगरी मिति तोकिएको छ । पोमूका अनुसार अधिबेशनले कम्तिमा एक उपसचिव महिला अनिवार्य हुनेगरी ५ जना पदाधिकारी चयन गर्ने छ ।

पदाधिकारीमा एक अध्यक्ष,एक उपाध्यक्ष,एक सचिव र दुई उपसचिव चयन रहने छन् । ११ औं अधिबेशनमा प्रत्येक वडाबाट कम्तिमा एकजना जिल्ला कमिटी सदस्य रहनेगरी व्यवस्था मिलाईएकोमा अहिले त्यसलाई परिवर्तन गरी स्थानीय तह अनुसार कोटा निर्धारण गर्ने तयारी भइरहेको बुझिएको छ । यहाँ एक नगरपालिका र आठवटा गाउँपालिका छन् । अधिबेशनका लागि एमाले ताप्लेजुङले लोगो समेत तयार गरी सार्वजनिक गरेको छ ।

एमाले केन्द्रीय महासचिव शंकर पोखरेलले उद्घाटन गर्ने अधिबेशनको उद्घाटन गर्ने भएका छन् । पार्टी सचिव तथा कोशी प्रदेश इञ्चार्ज उपप्रधान तथा भौतिक पूर्वाधार मन्त्री रघुविर महासेठ,पार्टी सचिव तथा प्रतिनिधिसभाका सांसद योगेशकुमार भट्टराई,पोलिटब्युरो सदस्य तथा प्रदेश सरकारका पूर्वमन्त्री तिलकुमार मेन्याङ्वोे सहित केन्द्रीय सदस्य र प्रदेश कमिटीका पदाधिकारी समेतलाई अधिबेशनमा निमन्त्रणा पठाईएको पत्रकार सम्मेलनमार्फत एमाले ताप्लेजुङले जानकारी गराएको छ ।