कक्षा १२ को परीक्षामा ताप्लेजुङमा ८ वटा केन्द्र,करिव अठारसयले परीक्षा लेख्दै

खगेन्द्र अधिकारी
ताप्लेजुङ,बैशाख १३ । शुक्रवारबाट सुरु हुने कक्षा १२ को परीक्षामा ताप्लेजुङबाट १ हजार ७ सय ७६ परीक्षार्थीले परीक्षा लेख्ने भएका छन् ।

शिक्षा विकास तथा समन्वय इकाई ताप्लेजुङका प्रमुख योगेश्वर भट्टराईका अनुसार परीक्षाका लागि ८ वटा केन्द्र निर्धारण भएका छन् । भट्टराईका अनुसार कक्षा १२ को परीक्षाका लागि फुङलिङमा कञ्चनजंघा बोर्डिङ स्कुल,भानुजन मावि अम्बिटार र बालसुबोधिनी मावि मेदिवुङमा परीक्षा केन्द्र तोकिएका छन् ।

यस्तै मिक्वाखोलाका मोति मावि खोक्लिङ,मैवाखोला गाउँपालिकाको मैवाखोला मावि ढुङगेसाँघु,आठराई त्रिबेणी गाउँपालिकाको सरस्वती मावि हाङपाङ र सिरिजङ्गा गाउँपालिकाको सिनाम मावि सिनाम र तेल्लोक मावि तेल्लोक परीक्षा केन्द्र तोकिएको शिक्षा विकास तथा समन्वय इकाई ताप्लेजुङका प्रमुख भट्टराईले जानकारी दिनुभयो । उहाँका अनुसार परीक्षा केन्द्र तोकिएका सम्वन्धित बिद्यालयको प्रधानाध्यापकलाई केन्द्राध्यक्षको जिम्मेवारी दिईएको छ ।