ताप्लेजुङको तेल्लोकमा सुरु भयो सिरिजङ्गा गाउँपालिका स्तरीय राष्ट्रपति रनिङ शिल्ड
उज्यालो पोष्ट
ताप्लेजुङ,माघ ५ । ताप्लेजुङको सिरिजङ्गा गाउँपालिकामा पाँचौं राष्ट्रपति रनिङ शिल्ड प्रतियोगिता सुरु भएको छ ।
गाउँपालिका अध्यक्ष लालकृष्ण चौहानले पालिका स्तरीय राष्ट्रपति रनिङ शिल्ड प्रतियोगिताको उद्घाटन गर्नु भएको छ । तेल्लोक माध्यमिक बिद्यालयको संयोजनमा राष्ट्रपति रनिङ शिल्ड प्रतियोगिता सुरु भएको हो ।
माघ ७ गते सम्म सञ्चालन हुने प्रतियोगितामा सिरिजङगा गाउँपालिका ९ बिद्यालयका बिद्यार्थीले २८ ईभेन्ट्समा प्रतिश्पर्धा गर्ने प्रतियोगिताका संयोजक तथा तेल्लोक माविका प्रधानाध्यापक रुकमान थेबेले जानकारी दिनुभयो ।
समुद्घाटन समारोहलाई जिल्ला खेलकुद विकास समितिका अध्यक्ष नरेन्द्र मावो(गणेश)मावो,पालिकाका वडाध्यक्षहरु,बिभिन्न बिद्यालयका प्रधानाध्यापकहरु समेतले सम्बोधन गर्नु भएको थियो ।
