पुसे मेला अगावै दोभान बजारमा सिसि क्यामेरा जडान

ताप्लेजुङ,मंसिर २५ । आउँदो पुसे मेला सहितको सुरक्षा सम्बेदनशिलतालाई हेरेर ताप्लेजुङको दोभान बजारमा सिसि क्यामेरा जडान गरिएको छ ।

मेरिङदेन गाउँपालिकाले स्मार्ट रुपका नाईट भिजनवाला सिसि क्यामेरा जडान गरेको जनाएको छ । मेरिङदेन गाउँपालिका र आठराई त्रिबेणी गाउँपालिकाको संगमस्थल दोभान क्षेत्रमा आउँदो पुस १ गते देखि ५ गते सम्म पुसे मेलाको आयोजना हुँदैछ । पुसे मेला अगावै त्यहाँ सिसि क्यामेरा जडान गरिएको छ ।

बजार क्षेत्र र आसपास चारैदिसाको निगारानी हुनेगरी सिसि क्यामेरा जडान गरिएको गाउँपालिकाका निमित्त प्रमुख प्रशासकीय अधिकृत रत्नेश्वरप्रसाद शाहले जानकारी दिनुभयो । अहिले त्यहाँ ६ वटा कलरभिजन र नाईटभिजनवाला क्यामेरा जडान गरिएको शाहले बताउनुभयो । फाईवरमार्फत सिसि क्यामेरा जडान भएको उहाँले जानकारी दिनुभयो । केहि क्षेत्रहरुमा अझै बिस्तारको क्रम चलिरहेकोले सम्पूर्ण लागत बिबरण आइनसकेको उहाँले जानकारी दिनुभयो । बिगत ५० बर्ष देखि दोभान लाग्दै आएको पुसे मेला १ गते देखि ५ गते सम्म हुँदैछ ।

पुसे मेलामा यसबर्ष राष्ट्रिय तथा अन्तराष्ट्रिय खेल खेलेका खेलाडीको सहभागितामा अन्तर जिल्ला क्लव स्तरीय भलिबल प्रतियोगिता हुने छ । स्थानीय कृषि तथा औद्योगिक उत्पादनलाई अन्तराष्ट्रिय बजार सम्म बिस्तार गर्न औद्योगिक तथा कृषि मेला प्रर्दशनी,स्थानीय क्षेत्रमा रहेका फुङफुङगे झरना,गुराँसे पोखरी,तोक्पेगोला,लोदेन क्षेत्र सहितका पर्यटकिय स्थलहरुको आन्तरिक तथा बाह्य पर्यटन प्रवद्र्धन, तमोर नदीमा ¥याफ्टिङ र ब्याड मिन्टन प्रतियोगिता समेत सो बेला हुँदैछन् । धाननाच,पालम र हाक्पारे सहितका मौलिक महत्वका बोकेका साँस्कृतिक सम्पदा प्रवद्र्धन समेत गर्ने उद्देश्य त्यहाँ यि प्रतियोगिता सहित राष्ट्रिय तथा स्थानीय कलाकारको सहभागिता बृहत्त साँस्कृतिक कार्यक्रम समेत राखिएको मेला आयोजक कमिटी अध्यक्ष हेम चोङ्वाङले बताउनुभयो ।