एमाले ताप्लेजुङ प्रतिनिधिसभाको इञ्चार्जमा साँवा,प्रदेश सल्लाहकारमा १० जना मनोनित
ताप्लेजुङ,मंसिर ४ । नेकपा एमाले कोशी प्रदेश कमिटीले प्रदेश कमिटीका सचिवालय सदस्य अनन्तबहादुर साँवालाई ताप्लेजुङ प्रतिनिधिसभाको इञ्चार्जको जिम्मेवारी दिएको छ । अर्का सचिवालय सदस्य बुद्धिमान परियारले सहईञ्चार्जको जिम्मेवारी पाउनु भएको छ ।
एमालेको ताप्लेजुङ जिल्ला ईञ्चार्ज भने प्रतिनिधिसभा सदस्य समेत रहनु भएका नेता बसन्तकुमार नेम्बाङ रहनु भएको छ । प्रदेश कमिटी सदस्य मातृकाप्रसाद भट्टराई प्रदेशसभा(क)को ईञ्चार्ज बन्दा अर्का सदस्य राजकुमार चुँडालले प्रदेशसभा(ख)को ईञ्चार्ज पाउनु भएको एमाले प्रदेश कमिटीले जारी गरेको अन्तरपार्टी निर्देशिका(अपानि)मा उल्लेख गरिएको छ ।
चित्राकुमारी चंसु लिम्बूले प्रदेशसभा(क)को सहईञ्चार्जको जिम्मेवारी पाउँदा प्रदेशसभा(ख)को सहईञ्चार्ज भने तोकिएको छैन । एमाले प्रदेश कमिटीले १० जना नेतालाई प्रदेश सल्लाहकारमा मनोनित पनि गरेको छ । अपानि अनुसार प्रदेश सल्लाहकार मनोनित हुनेहरुमा सिँहबहादुर ईवाराम,गोपाल थोप्रा,रामप्रसाद सुबेदी,होमकुमारी साँवा,मणि लाबुङ,हरि थलङ,इन्द्र शेर्पा,देउकुमार तान्जम,ताराहाङ लिम्बू र तेजबहादुर पन्दाक रहनु भएको छ ।
