पाँचथरको फालेलुङ गाउँपालिकाले गर्यो लक्ष्य भन्दा झण्डै दोब्बर बढी आन्तरिक आय
खगेन्द्र अधिकारी
ताप्लेजुङ,साउन ७। पाँचथरको फालेलुङ गाउँपालिकाले आर्थिक बर्ष २०७९।८० मा लक्ष्यको तुलनामा झण्डै दोब्बर रकम आन्तरिक आय आर्जन गरेको छ ।
आव २०७९।८० मा कूल ३५ लाख रुपैयाँ आन्तरिक आय हुने अनुमान गरेकोमा ७१ लख ८४ हजार ४ सय ९ रुपैयाँ आन्तरिक राजश्व संकलन गरेको फालेलुङ गाउँपालिकाका प्रमुख प्रशासकीय अधिकृत डम्बरबहादुर आङ्देम्बेले जानकारी दिनुभयो ।
उहाँका अनुसार गाउँ कार्यपालिकाको कार्यालयबाटै निर्धारित लक्ष्य भन्दा बढी आन्तरिक राजश्व असुली भएको छ । गाउँ कार्यपालिकाको कार्यालयबाट ३५ लाख ७८ हजार ६९ रुपैयाँ राजश्व असुली भएको आङ्देम्बेले जानकारी दिनुभयो ।
उहाँका अनुसार वडा नं १ बाट २ लाख ६१ हजार ८ सय ५ रुपैयाँ,वडा नं २ बाट २ लाख ६४ हजार ६ सय ४४ रुपैयाँ,वडा नं ३ बाट ३ लाख ९१ हजार ४ सय ९५ रुपैयाँ र वडा नं ४ बाट ५ लाख ७७ हजार ८ सय १६ रुपैयाँ आन्तरिक राजश्व असुली भएको छ ।
यस्तै वडा नं ५ बाट ८ लाख ३१ हजार २४ रुपैयाँ,वडा नं ६ बाट २ लाख ८२ हजार ५ सय ३६ रुपैयाँ,वडा नं ७ बाट ५ लाख ८७ हजार ५ सय ७० रुपैयाँ र वडा नं ८ बाट ४ लाख ९ हजार ४ सय ५० रुपैयाँ आन्तरिक राजश्व असुली भएको प्रमुख प्रशासकीय अधिकृत आङ्देम्बेले जानकारी दिनुभयो ।
