गणतान्त्रिक प्रगतिशील कानुन व्यवसायीको समिति गठन
-उज्यालो पोष्ट
ताप्लेजुङ, बैशाख १ । ताप्लेजुङमा गणतान्त्रिक प्रगतिशील कानुन व्यवसायी एशोसिएसन नेपालको जिल्ला समिति गठन भएको छ । शुक्रबार सम्पन्न जिल्ला भेलाले ताप्लेजुङका अग्रज कानुन व्यवसायी वेदनिधि पौडेल अध्यक्ष रहेको ताप्लेजुङ जिल्ला समन्वय समिति गठन गरेको हो ।
जिल्ला समितिको सदस्यमा राम नेयोङ र ठाकुरसिंह साम्सोहाङ रहनुभएको छ । एशोसिएसनको केन्द्र तथा प्रदेश प्रतिनिधिको उपस्थितिमा समन्वय समिति गठन गरिएको हो । समितिको सदस्य क्रमशः थप गर्दै लैजाने बताइएको छ ।
यता भेलामा नेकपा (माओवादी केन्द्र) केन्द्रीय सदस्य तथा ताप्लेजुङ इन्चार्ज खेलप्रसाद बुडाक्षेत्री, जिल्ला संयोजक विष्णुकुमार हाङ्बाङ, सचिव सागरमणि गौतम लगायतको उपस्थिति रहेको थियो ।
