अनमी राई माथि कुटपिट र अभद्र व्यवहार भएको भन्दै छानबिनको माग सहित सिदिङ्वाका कर्मचारी आन्दोलित

ताप्लेजुङ बैशाख १९ । स्थानीय एक व्यक्तिले ताप्लेजुङको सिदिङ्वा गाउँपालिकामा कार्यरत अनमी पुजन राई माथि कुटपिट र अभद्र व्यवहार गरेको भन्दै पालिकाका कर्मचारी आन्दोलित भएका छन् ।

सिदिङ्वा गाउँपालिकाका कर्मचारीले सोमवार एक संयुक्त प्रेश बिज्ञप्ती जारी गर्दै साब्लाखु स्वास्थ्य चौकीमा कार्यरत अनमी राई माथि स्थानीय सन्दीप इदिङ्गोले गालीगलौज र भौतिक आक्रमण गरेको भन्दै दोषीलाइ कारवाही र पीडितलाइ न्यायको माग गरेका छन् । आक्रमणबाट राई शारिरिक रुपमा घाइते भएको र मानसिक रुपमा शसंकित बनेको भन्दै कर्मचारीहरुले बिज्ञप्तीमार्फत आक्रमणमा संलग्नलाइ कानुनी दाहेरामा ल्याई तत्काल कारवाही थाल्न माग गरेका छन् । कर्मचारीहरुले यो कार्यको निन्दा गर्दै बारबार भइरहने यस्ता घटनाबाट पालिकामा सहज ढंगले काम गर्ने वातावरण पनि नभएको र कर्मचारी माथि भइरहने भौतिक र मानसिक आक्रमणले मनोवल समेत गिर्ने दावी गरेका छन् ।

कर्मचारीहरुले संयुक्त प्रेश बिज्ञप्तीमार्फत घटनाको उचित छानबिन गर्न र दोषीलाइ तत्काल कानुनी दाहेरामा ल्याएर वातावरण सहज बनाइदिन स्थानीय प्रशासनको सहयोग मागेका छन् । बारबार भइरहने यस्ता घटना अब उप्रान्त नदोहोरिने वातावरण सृजनाका लागि समेत उनीहरुले सम्वन्धित सबै पक्षको ध्यायाकर्षण समेत गरेका छन् । स्थानीय फुर्वा लामाको घरकमा खाना खाँदै गरेको अवस्थामा अनमी राई माथि शारिरिक र मानसिक आक्रमण भएको कर्मचारीहरुले बिज्ञप्तीमा उल्लेख गरेका छन् ।