ताप्लेजुङ जिससको छैटौं सभा ः जनताका आधारभूत आवश्यकतालाइ प्राथमिकतामा राख्न मन्त्री हाङगामको आग्रह
खगेन्द्र अधिकारी
ताप्लेजुङ,चैत १९ । जिल्ला समन्वय समिति ताप्लेजुङले विकास निर्माणमा सन्तुलन भए÷नभएको अध्यय गरी संघ,प्रदेश र स्थानीय तहमा सुझाव दिनु अबको प्रमुख कार्यभार भएको निश्कर्ष निकालेको छ ।
शनिवार सम्पन्न छैटौं तथा यस कार्यकालको अन्तिम जिल्ला सभामा जिल्ला समन्वय समितिले आगामी कार्यभारलाइ ४ बँुदामा लिपिवद्ध गरेको हो । जिल्ला सभामा समन्वय समितिका सदस्य निमातेञ्जी शेर्पाले जिल्ला भित्रका स्थानीय तहमा भएका प्रगति र गर्न बाँकी विकास निर्माणका बिषय पहिचान गर्नु,विकास निर्माणका कार्यमा सन्तुलन कायम गर्न गैर सरकारी र निजी क्षेत्रसंग प्रभावकारी समन्वय बढाउनु जस्ता बिषय जिससबाट आगामी दिनमा सम्पादन गर्नुपर्ने प्राथमिक कार्यभारको रुपमा उल्लेख गर्नु भएको छ । यस्तै जिल्ला भित्र रहेका सरकारी तथा गैर सरकारी निकायबाट सञ्चालित विकास निर्माण सम्वन्धी कार्यक्रमको बिबरण तयार पारी त्यस्ता कार्यक्रमको प्रभावकारीता मापन र व्यवस्थापन गर्न आवश्यक रहेको जिससले औंल्याएको छ ।
नेपालको संबिधान २०७२ को धारा २२० मा जिल्ला भित्र रहेका स्थानीय तहबीचको काम कारवाहीमा समन्वय गर्ने दायित्व जिल्ला समन्वय समितिलाइ हुने उल्लेख छ । सोहि अनुसार जिल्ला सभा सञ्चालन हुने छ । संबैधानिक व्यवस्था अनुसार जिल्लासभामा जिल्ला समन्वय समितिका पदाधिकारी तथा सदस्य र पालिकामा निर्वाचत प्रमुख÷अध्यक्ष,उपप्रमुख÷उपाध्यक्ष सदस्य रहनुहुने छ ।
मेरिङदेन सहभागी भएन संस्थागत क्षमता स्वमूल्याङ्कनमा
एक नगरपालिका र आठ गाउँपालिका रहेको ताप्लेजुङको मेरिङदेन गाउँपालिका भने स्थानीय तहको संस्थागत क्षमता स्वमूल्याङ्कन कार्यमा सहभागी नभएको जिल्ला समन्वय समितिले जनाएको छ । स्थानीय तहको कार्य प्रकृया र उपलब्धीका बारेमा लेखाजोखा गरी सवल र दुर्वल पक्षको पहिचान गर्न,विकास तथा सुशासनमा रहेका कमी कमजोरीको जानकारी लिन,आवधिक समिक्षाको आधार प्राप्त गर्न र गाउँपालिका तथा नगरपालिका बीचमा तुलनायोग्य सूचकको आधारमा भएका कार्यको आफैं लेखाजोखा गर्न स्वमूल्याङ्कन गरिन्छ । जिल्ला समन्वय समितिले स्थानीय तहमा बित्तीय सुशासन संस्थागत गर्ने प्रयास स्वरुप बित्तीय सुशासन जोखिम मूल्याङ्कनको कार्य समेत भइरहेको जनाएको छ ।
जनताका आधारभूत आवश्यकतालाइ प्राथमिकतामा राखौं ः मन्त्री हाङ्गाम
प्रदेश १ सरकारका श्रम,उद्योग तथा रोजगार मन्त्री प्रतापप्रकाश हाङ्गामले स्थानीय सरकारको प्रमुख कार्यभार भनेकै जनताका आधारभूत आवश्यकतालाइ प्राथमिकतामा राखेर त्यसलाइ पूरा गर्नु रहेको बताउनु भएको छ । जिल्ला समन्वय समिति ताप्लेजुङको छैटौं जिल्ला सभाको उद्घाटन गर्दै सभाका प्रमुख अथिति मन्त्री हाङ्गामले स्थानीय तहका जनप्रतिनिधि भनेको जनताको पहिलो नजर पर्ने र जनतासंगै घुलमिल गर्ने प्रतिनिधि भएकोले आधारभूत आवश्यकताप्रति स्थानीय तह गम्भिर बन्नुपर्ने बताउनुभयो ।
उहाँले जनताको आधारभूत सरकार भनेकै स्थानीय सरकार भएकोले उनीहरुका आधारभूत आवश्यकताप्रति स्थानीय सरकारका प्रतिनिधि सम्बेदनशिल बन्नुपर्ने दोहो¥याउनु भयो । कार्यक्रममा प्रदेशसभाका सांसद तथा प्रदेश १ सरकारका पूर्व सामाजिक विकास मन्त्री बलबहादुर साम्सोहाङ,प्रदेशसभाका सांसद होमकुमारी साँवाको समेत उपस्थिति रहेको थियो । जिल्ला समन्वय समिति प्रमुख घनेन्द्र मादेनको अध्यक्षतामा भएको जिल्लासभामा समन्वय समिति उपप्रमुख देवीमाया नेपालीले अथिति र आमन्त्रितलाइ स्वागत गर्दै सभाको उद्देश्य बारे बताउनु भएको थियो । सभाले समन्वय समितिको मौज्दात कोषको परिचालन स्थिति समेत अनुमोदन गरेको निमित्त जिल्ला समन्वय अधिकारी मुक्तिनाथ सुबेदीले जानकारी दिनुभयो ।
