नेकपा (माओवादी केन्द्र) को १ नम्बर प्रदेश समितिमा ताप्लेजुङबाट ११ जना निर्वाचित
–उज्यालो पोष्ट
ताप्लेजुङ, मङ्सिर २८ । नेपाल कम्युनिस्ट पार्टी (माओवादी केन्द्र) १ नम्बर प्रदेश समितिमा ताप्लेजुङबाट एघार जना निर्वाचित हुनुभएको छ । भर्खरै सम्पन्न माओवादी केन्द्र प्रदेश १ को अधिवेशनमार्फत ताप्लेजुङबाट उक्त सङ्ख्यामा प्रदेश कार्यसमिति सदस्यमा निर्विरोध निर्वाचित हुनुभएको हो ।
प्रदेश कार्यसमिति सदस्यमा निर्वाचित हुनेमा ताप्लेजुङ जिल्ला संयोजकसमेत रहनुभएका विजयप्रकाश वनेम, जिल्ला सचिव तेजसम्शेर भट्टराई रहनुभएको छ । यस्तै लक्ष्मी अन्छङ्बो, प्रेमकुमार सेलिङ, ठाकुरसिंह साम्सोहाङ, विष्णुकुमार हाङ्बाङ, सागरमणि गौतम, चन्द्रकला गुरुङ, मिङमाडण्डु शेर्पा, दावाछिरिङ शेर्पा, बमबहादुर भट्टराई प्रदेश समिति सदस्यमा चयन हुनुभएको छ ।
यता प्रदेश कार्यसमितिमा पदाधिकारीको टुङ्गो लाग्न बाँकी रहेकाले ताप्लेजुङबाट समितिमा निर्वाचित सदस्यमध्ये कोही पदाधिकारीमा पर्नसक्ने सम्भावना पनि रहेको छ । आकांक्षी बढी भएपछि प्रदेश अधिवेशनमार्फत पदाधिकारीको टुङ्गो लाग्न नसकेको बनाइएको छ ।
