काँग्रेसको प्रदेश १ निर्वाचन ः ताप्लेजुङबाट ८ जना उम्मेदवार

ताप्लेजुङ,मंसिर १८ । नेपाली काँग्रेसको जारी प्रदेश १ कार्य समितिको अधिबेशनमार्फत पदाधिकारी तथा सदस्यका लागि ताप्लेजुङबाट ८ जना प्रतिश्पर्धामा देखिनु भएको छ । महामन्त्री पदमा तरुण दलका पूर्व महानमन्त्री समेत रहनु भएका पदमसुन्दर पालुङ्वा उद्धव थापाको टिमबाट प्रतिश्पर्धा हुनुहुन्छ । थापा संस्थापन–सिटौला समूहबाट प्रतिश्पर्धामा रहनु भएको छ । यस्तै ताप्लेजुङबाट प्रदेश कार्य समिति सदस्यमा जाने १ महिला र १ पुरुषमा ४ जना प्रतिश्पर्धी रहनु भएको छ । यस्तै आदिवासी जनजाति कोटाबाट तरुण विभाग केन्द्रीय सदस्य इन्द्र केदेम र गोपाल गुरुङ तथा खसआर्यबाट इन्द्रनारायण भट्टराई उम्मेदार बन्नु भएको छ । जिल्ला अधिबेशनमा दुई समूहमा बिभाजित काँग्रेस ताप्लेजुङका नेता तथा प्रतिनिधिहरु प्रदेश कार्य समितिमा जाने २ पदका लागि पनि बिभाजित बन्नु भएको छ । संस्थापन–सिटौला समूहबाट पुरुषतर्फ प्रदेश सांसद प्रतापप्रकाश हाङ्गाम र गीता सेन्दाङ र संस्थापन इतरका उम्मेदवार गुरुराज घिमिरे समूहबाट पूर्व जिल्ला सभापति केशवप्रसाद दाहाल र मीना गुरुङ प्रतिश्पर्धामा रहनु भएको छ ।