धर्म दर्शन फउण्डेशन नेपालले पाथीभराको विकासका लागि दियो १७ लाख नगद,अन्य सामग्री पनि प्रदान

ताप्लेजुङ,असार २९ । ताप्लेजुङमा अवस्थित प्रसिद्ध तीर्थस्थल पाथीभरा क्षेत्रको विकासका लागि झापाको दमकस्थित धर्म दर्शन फउण्डेशन नेपालले १७ लाख रुपैंया नगद सहयोग गरेको छ । उसले पाथीभरा पुगेका तिर्थयात्रीका लागि ५४ थान कम्बल समेत दिएको छ । फाउण्डेशनले ३ हजार ७ सय ९४ मिटर उचाइमा रहेको पाथीभरा मन्दिरमा पुराण लगाई समापनको दिन मंगलवार यो रकम पाथीभरा देवी मन्दिर क्षेत्र संरक्षण तथा सम्वद्र्धन समितिलाई हस्तान्तरण गरेको हो । भक्तजनहरुको सुबिधाका लागि काफ्लेपाटीमा विश्रामालय बनाउन यो रकम सहयोग गरेको फउण्डेशन कुवेर सुवेदीले जानकारी दिनुभयो । समिति अध्यक्ष तारानाथ घिमिरेलाई ९ लाखको चेक र ३ लाख नगद मंगलवार हस्तान्तरण गरिएको छ । बाँकी ५ लाख रुपैयाँ फउण्डेशनले पछि पठाउने कबोल गरेको छ । यो रकम सहित धर्म दर्शन फउण्डेशन नेपालले ५४ थान कम्बल पनि मन्दिर परिसरमै हस्तान्तरण गरेको छ । प्रदान भएको रकमबाट काफ्लेपाटीमा तीर्थयात्रीका लागि विश्रामस्थल निर्माण गर्ने प्रयोजनका कार्यमा खर्च गर्ने सहमति बनेको पाथीभरा देवी मन्दिर क्षेत्र संरक्षण तथा सम्वद्र्धन समितिले जनाएको छ । समिति पाथीभरा क्षेत्रको विकास,संरक्षण र प्रवद्र्धनका लागि जनस्तरबाट गठन भएको क्रियाशिल संस्था हो ।