कोभिड बिरुद्धको लडाइँमा खटेको जनशक्ति बाहेक राज्यबाट पारिश्रमिक लिने अरु सबैको सुबिधा हाललाइ स्थगन गर्न सांसद भट्टराईको प्रस्ताव

खगेन्द्र अधिकारी
ताप्लेजुङ,३० बैशाख । प्रतिनिधिसधाका सांसद योगेशकुमार भट्टराईले मुलुकका शीर्ष दलहरुबीच बृहत्त र ठोस सहमति कायम गरी राष्ट्रको मिसन नै कोभिड–१९ बिरुद्ध रहेको सन्देश दिनुपर्ने बताउनु भएको छ । बिहीबार एक बिज्ञप्ती प्रकाशित गरी उहाँले २०७२ सालको महाभुकम्प पछि जसरी राजनीतिक बिमतिलाइ थाँती राखेर सरकार र राजनीतिक नेतृत्वले सहमतिमा काम ग¥यो,अहिलेको अवस्थामा त्यस्तै घटनाक्रमको आवश्यकता रहेको औंल्याउनु भएको हो । उहाँले कोभिड बिरुद्धको लडाइँमा खटेको जनशक्ति बाहेक राज्यबाट पारिश्रमिक लिने अरु सबैको सुबिधा हाललाइ स्थगन गर्न समेत सरकारको ध्यानाकर्षण गर्नु भएको छ । सम्पूर्ण जनशक्तिलाइ कोभिड बिरुद्धको लडाँइमा केन्द्रित गर्ने र छिटो प्रकृयाबाट थप जनशक्ति भर्ना गर्नुपर्ने उहाँको सुझाव रहेको छ । ४ बुदें सुझाव राख्नु भएका उहाँले तुलनात्मक रुपमा चीनमा कोभिडको असर कम हुँदै गएकोले अघिल्लो बर्ष इटाली लगायतका युरोपेली मुलुकमा जसरी चीनले कोभिड बिरुद्ध स्वास्थ्य सामग्री र जनशक्ति सहयोग गरेको थियो,अहिले नेपाललले पनि चीनसंग कोभिड बिरुद्ध स्वास्थ्य सामग्री र जनशक्ति सहयोग माग गर्न ढिला गर्न नहुने बताउनु भएको छ । भारत र अन्य देशका सरकारहरुलाइ पनि नेपालको कोरोना बिरुद्धको लडाइँमा साथ र सहयोग दिन नेपाल सरकारले अनुरोध गर्नुपर्ने समेत भट्टराईले सुझाव दिनु भएको छ ।