पीएसजीले पोचेटिनोलाई प्रशिक्षकमा नियुक्त गर्ने

पेरिस,पुस ११ । पेरिस सेन्ट जर्मेन (पीएसजी) ले टोटेनहमका पूर्व व्यवस्थापक माउरिसियो पोचेटिनोलाई प्रशिक्षकमा नियुक्त गर्ने जनाएको छ । बिहीबारमात्र प्रशिक्षक थोमस टुचेललाई बर्खास्त गरेको छ । एक फ्रान्सेली स्पोर्टस पत्रिकाको रिपोर्टअनुसार पोचेटिनोलाई नियुक्त गर्न लागेको हो । पोचेटिनोले पीएसजीका लागि सन् २००० को सुरुमा डिफेन्डरका रूपमा खेलेका थिए ।
टुचेल भने फ्रान्सेली लिग वानको अघिल्लो दिन स्ट्रसबर्गमाथि प्राप्त गरेको ४–० जितपछि बर्खास्तगीमा परेका हुन् । सन् २०१८ को जुनबाट उनले पीएसजी सम्हाल्न सुरु गरेका थिए । त्यसमा उनको टुचेलको नेतृत्वमा पीएसजीले दुई लिग उपाधि र एकरएक फ्रेन्च कप र फ्रेन्च लिग कप जितेको छ । गत सिजनमा टुचेलले पीएसजीलाई पहिलोपल्ट युरोपेली च्याम्पियन्स लिगको फाइनलसम्म पु¥याएका थिए । त्यसमा पीएसजी बायर्नसँग १–० ले पराजित रहेको थियो । अहिले फ्रान्सेली लिग वानको तेस्रो स्थानको पीएसजीले च्याम्पियन्स लिगको अन्तिम १६ का पनि स्थान बनाइसकेको छ । अब उसको प्रतिद्वन्द्वी बार्सिलोना छ । बायर्नसँगको खेलयता टुचेल र क्लबबीचको सम्बन्ध सुमधर रहेको छैन ।