पछिल्लो २४ घन्टामा ६०८ जनामा कोरोना संक्रमण पुष्टि ः ८ को मृत्यु

काठमाडौ,पुस १० । पछिल्लो २४ घन्टामा देशभर ६ सय ८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार ४ हजार १ सय ४२ जनामा गरिएको पिसिआर परीक्षणको नतिजामा ३ सय ७१ पुरुष र २ सय ३७ महिला गरी ६ सय ८ जनामा कोरोना संक्रमण देखिएको हो । अहिलेसम्म कोरोना संक्रमितको कूल संख्या २ लाख ५७ हजार २ सय पुगेको छ भने ८ हजार ९ सय ८ जना संक्रिय संक्रमित रहेका छन् । पछिल्लो २४ घन्टामा देशभरबाट ८ सय ९२ जना कोरोनामुक्त भएका छन् । योसँगै कोरोनामुक्त हुनेको संख्या २ लाख ४८ हजार २ सय ९२ पुगेको छ । निको हुनेको दर ९६.५ प्रतिशत रहेको छ । कोरोना संक्रमणबाट ८ जनाको मृत्यु भएको छ । योसँगै कोरोनाबाट मृत्यु हुनेको संख्या १ हजार ८ सय १६ पुगेको छ ।