ताप्लेजुङमा छायाङ्कन गरिएको ‘उत्ताउलो तिम्रो जवानी’
ताप्लेजुङ । ताप्लेजुङको विभिन्न क्षेत्रमा छायाँङ्कन गरिएको ‘उत्ताउलो तिम्रो जवानी’ बोलको गितको गितको म्यूजिक भिडीयो शुक्रबार सार्वजनिक भएको छ । निमार्ण टिमले खबर अफ नेपाल युट्युब च्यानलबाट भिडियो सार्वजनिक गरेको हो ।
भिडियोमा खुल्ला युगल डान्स प्रतियोगितका विजेता तथा सञ्चारकर्मी पदम श्रेष्ठ, विनु तामाङ र रिना गुरुङको अभिनय रहेको छ । मेची तारा २०७१ सिजन २ का उपविजेता विशाल लिम्बूको स्वर रहेको गितलाई रमेश सुनुवारले संगित भरेका छन् ।
सेगुना मिडीया हाउस ताप्लेजुङको व्यानरमा तयार भएको भिडीयोको छायाँङ्कन, सम्पादन र रिलिज ताप्लेजुङबाट नै गरिएको छ । पेम्बा लामाको निर्देशनमा तयार भएको भिडियोमा लामाले नै क्यामरा चलाएका छन् । जिल्लामा डान्स सेन्टर सञ्चालन गर्दै आएका लामाले आधा दर्जन भिडियोमा अभिनय गरीसकेका छन् भने फिल्ममा समेत अभिनय गरेका छन् ।यता असअघि नै ३ वटा भिडियोमा अभिनय गरिसकेका मोडल पदम श्रेष्ठ भने खुल्ला युगल डान्स प्रतियोगितका विजेता हुन । श्रेष्ठ क्रियाशिल सञ्चारकर्मी समेत हुन् । आगामी दिनमा पनि जिल्लाभित्र नै अन्य भिडीयोहरु उत्पादन गरिने सेगुना मिडीया हाउसले जनाएको छ ।
