फुङलिङ नगरपालिकाले ताप्लेजुङ प्रहरीलाई एकथान मोटरसाइकल,सिम्ले प्रहरी चौकीले प्रयोग गर्ने
उज्यालो पोष्ट
ताप्लेजुङ,पुस २४ । ताप्लेजुङको फुङलिङ नगरपालिकाले जिल्ला प्रहरी कार्यालयलाई एकथान मोटरसाइल हस्तान्तरण गरेको छ ।
शान्ति सुरक्षामा खटिएका प्रहरी जनशक्तिलाई अपराध अनुसन्धान तथा नियन्त्रणमा कार्यस्थलमा पुग्न थप सहज होस् भनेर एकथान मोटरसाइकल हस्तान्तरण गरिएको फुङलिङ नगरप्रमुख अमिर मादेनले जानकारी दिनुभयो । नगरप्रमुख मादेनले जिल्ला प्रहरी प्रमुख(डिएसपी)रवि रावललाई उक्त मोटरसाइकल हस्तान्तरण गर्नु भएको छ ।
जिल्ला प्रहरी प्रमुख रावलले नगरपालिकाबाट प्राप्त मोटरसाइकल फुङलिङस्थित सिम्ले प्रहरी चौकीमा प्रयोग हुनेगरी हस्तान्तरण गरिने जानकारी दिनुभयो । यसअघि आठराई त्रिबेणी गाउँपालिकाले वडा नं २ फुलवारीस्थित प्रहरी चौकीलाई प्रयोग हुनेगरी एकथान मोटरसाइकल तथा जिल्ला ट्राफिक प्रहरी कार्यालयमा प्रयोग हुनेगरी एकथान ल्यापटप हस्तान्तरण गरेको थियो ।
जिल्ला प्रहरी प्रमुख रवि रावललाई मोटरसाइकल हस्तान्तरण गर्दै फुङलिङ नगरप्रमुख अमिर मादेन ।
